Musika-hezkuntza arautua, Ikastola barruan ikaskuntza integralerako jauzia

Formación musical reglada, en las aulas de Begoñazpi Ikastola

Musika-hezkuntza arautua, Begoñazpi Ikastolako geletan

Musika Kontserbatorioak edota Musika Eskolak irakasten dauan moduan irakatsiko dau Begoñazpi Ikastolak musika-hezkuntza arautua geletan. Musika arloko proiektu hau, biolin ikasketak HH 2. mailan hasi eta DBH 4. mailaraino zabaltzean datza.

Ikastola eta ikastetxeetako hezkuntzan, musika ikasketak garaian garaiko legeak ezarritako curriculumean oinarrituz, musikaren inguruan egindako oinarrizko ibilbide didaktiko batera mugatu izan dira. Historia apur bat, musika-hizkuntzaren hastapena eta asko jota, musika-tresna bat jotzen hastea. Derrigorrezko Hezkuntzari lotutako oinarrizko kontzeptu honeek, musika gehiago landu gura daben ikasleak eskolaz kanpo jorratzera eroango dabezalarik.

Jarraitu irakurtzen

Kirola Begoñazpi Ikastolan, Gorputz Hezkuntza baino askoz gehiago

Juvenal latindar poetaren K.o. 100. urte inguruko aipua dan Mens sana in corpore sano aipatzean, kirola egitea gure gazteen garapenean oinarrizko eta ezinbesteko jarduna dala adierazten dogu. Hezkuntzak, hobeto esanda, hezkuntza-sistemak, horregaitik sartu dau gimnastika edo gorputz hezkuntza garapen horretan. Baina eguneroko jardunean daben bizimodu sedentarioari aurre egiteko gure neska-mutilek dabezan ariketa fisikoa egiteko eskola-orduak ez dira nahikoa.

Jarraitu irakurtzen

Munduan, norantz doa hezkuntza?

María Ximena Barrera eta Patricia León

Harvard-eko Unibertsitatean irakasle laguntzaile dabiltzan María Ximena Barrera eta Patricia León Project Zero deritxoneko kideek

Hezkuntza, norantz doa? Galdera hau ez da erraza ezta emon beharreko erantzuna be, batez be munduak ezezagunari aurre egin behar deutsola kontuan hartzen badogu. Halaxe egiaztatu dabe Harvard Unibertsitatean irakasle laguntzaile eta Estatu Batuetako unibertsitate horretako ikasketa prozesuak garatzeko ikerketa-proiektu ugari landu dauzan hezkuntza arloko ikerketa-talde honen, hau da, Project Zeroko kideak diran María Ximena Barrerak eta Patricia Leónek.

Jarraitu irakurtzen

 Ikerketa zientifikoa, bizitzarako hezkuntza

Investigación científica en Begoñazpi Ikastola

Begoñazpi Ikastolako ikasleek Zientzia Azokan proiektuak aurkeztu ebezan

Gizarteak eta lan munduak jakintza tekniko bereziak izateaz gain, inoren laguntza barik pentsatzen daben pertsonak eskatzen daben unetik, hezkuntzak zeresan handia dau. Beraz, ikastetxeek ikasleei, egoerak aztertu, ikertu eta eguneroko bizitzan jakintzak ezartzen irakatsi egin beharko deutsie. Azken baten, euren kabuz pentsatzen.

Begoñazpi Ikastola ezartzen hasi dan hezkuntza-planteamendu honek, beste baliabide batzuekin batera, ikerketa zientifikoaren proiektua sakontzera eroan dau. Ikasleei erronka honek, sormena, erabakitzeko gaitasuna eta lan kooperatiboa bezalako trebetasunak garatzeko aukera emon deutselarik.

Jarraitu irakurtzen

Palenque, Hezkuntza mundura ekarritako alkartasuna

Hermanamiento de Begoñazpi Ikastola con Palenque.

Senidetzearen lehen urratsa Ikastolako zein Palenqueko babesa eban eskola barria eraikitzea izan zan

Hamabost urtetan, Elizbarrutiko Misioen laguntzaz, Begoñazpi Ikastolak Ekuadorreko Palenquen, biztanle gehienak muturreko pobrezian bizi diran inguruan, hezkuntza proiektu bat bultzatu dau. Zeregin edota helburu nagusietako bat, nekazaritza eremuetako familiek seme-alabak eskolara eroatea zan.

Jarraitu irakurtzen

Ateak zabaltzeak Hezkuntzan dauzan abantailak

Puertas abiertas en Begoñazpi Ikastola

Begoñazpi Ikastolako ate irekiak

Hezkuntzan, beste edozein arlotan legez, etenbako hobekuntza egin beharreko lana da. Hobekuntza hau, Begoñazpi Ikastola bezalako ikastetxe baten, zalantza barik, egunero landu eta itsasten diran hezkuntza barrikuntza inguruko hainbat ekintzaren bidez, ikasleei emoten jaken heziketan datza. Baina badago beste hobekuntzarik be, adibidez, familien asetasuna bilatzen dauana, azken baten, eurak be bezeroak dira.

Erronka handi honen aurrean, Begoñazpi Ikastolak, familien aurrean gardentasunez jokatzeko  aukera paregabea ikusi dau, hau da, zer eta zelan egiten dauan erakustea erabaki dau. Beraz, Ikastola “ateak zabaltzea esperientzia aberasgarria” dalakoan dago. Horren guztiaren ondorioz, hauxe da Euskaliten 400 Klubeko XII. Topaketan Bezeroarenganako Harreta gaiaz Begoñazpi Ikastolak aurkeztu eta irabazi dauan Praktika Onen proiektua.

Jarraitu irakurtzen

Robotika, integrala eta etorkizuna dauan hezkuntza

La robótica, en Begoñazpi Ikastola, desde los 5 años hasta Bachillerato

Begoñazpi Ikastolako robotika gaia,Haur Hezkuntzatik Batxilergora

Robotika, roboten diseinu, taxuketa, eragiketa, egitura-antolaketa, manufaktura eta aplikazioari ekiten deutson teknologiaren adarra da. Honek mekanika, elektronika, informatika, adimen artifiziala, kontrol ingenieritza eta fisika arloak uztartzen dauz. Gaur egun, robotikak, zalantza barik, inguratzen gaituan guztiagaz dau zerikusia eta ondorioz, gure etxeko zein laneko  ingurua baldintzatuko dau. Hori dala eta, egungo lan-urteetariko askok be, arlo honegaz lotura dabe.

Baina robotika, hezkuntza mundu honetan harago joango da, ikasleei etorkizuneko lan mundurako prestakuntza ez eze, euren bizitza zein lanekoari aurre egiteko gaitasunak eta trebetasunak be eskainiko deutsez.

Jarraitu irakurtzen

Irakasteko beste era bat, baita ebaluatzeko be

Begoñazpi Ikastola, Lehen Hezkuntzan, Harvard Unibertsitateko “Projet Zero” ereduaren azken zertzeladak emoten dago. Eredu honetan, ikasleek gai desbardinetan lantzen dabe ulermen maila. Helburu hau lortzen danean, ohiko azterketen balioa murriztu egiten da. Ikuspegi barri honen ardatza Ikaslea bere ikasketa prozesuaren jabea izatean datza, hau guztia ikaskideen lanarekin be osatzen dalarik. Harago doan ikasketaren paradigma barri honek emaitzak biziki hobetuko dauz, hau da, bai emaitza akademikoak bai helburuak erdiesteko asetasunak izugarrizko hobekuntza izango dau.

Jarraitu irakurtzen

Gazte Role Model Saria, ikasleentzat eredu den ikurra

‘Gazte Role Model Saria’ Bilboko Begoñazpi Ikastolak urtero lana eta solidaritatea aintzat hartzen dituen sariak dira. Zazpigarren edizio honetan, sarituak Mercedes de Miguel moda diseinatzailea eta Txomin Bereciartua,  apaiza, Novia Salcedo Fundazioaren sortzailea ea ohorezko presidentea izango dira. Bilboko Ikastola honetako sariok estatu eta euskal hezkuntza eremuan eredu dira, batez ere, gure artean hobetzeko grina eta solidaritatea bezalako baloreak geletara eraman eta erakusteagatik.

Jarraitu irakurtzen

Barrikuntzaren kultura; paperetik gelara

Zita

Proiektu barritzaile eta Kultura barritzailearen artean alde handia dago. Are gehiago arloa hezkuntza barritzailea danean. Lehenengoa uneko proiektua baino ez da, barrikuntza soilik. Bigarrena, ordea, eguneroko eta etenbako ibilbidea be bada. Ikasleengana heltzeko irakasleen lanarekiko inplikazioagaz gain, erakundearen P&Eak be oinarri izango dauz. Hortik ikasleen emaitzetara helduz, hau da, hezkuntzak barrikuntzan dauan leitmotiv .Hauxe nabarmendu gura dogu  Begoñazpi Ikastolan. Ba dira hamar urte, Ikastolak bere plan estrategikoaren ardatz,  hezkuntza barrikuntza hartu dauana.

Jarraitu irakurtzen