Begoñazpi Ikastolan eguerdi osasungarri eta hezigarriagoa

Captura yOUtUBE con PLAY

Begoñazpi Ikastolak hezkuntza-proiektua eguerdiko jardunaldira luzatzeko eta ikasleen prestakuntza jantokian zein jolastokian osatzeko prozesua abiarazi dau. Honen bidez, Ikastolak dauan plan pedagokikoari koherentzia emongo deutso.

Ikasgela barruan nahiz kanpoan hezkuntza integrala eskaintzeko xedez, Begoñazpi Ikastolak hezkuntza-apustua osatu eta pedagogi proiektua eguerdiko orduetara, hau da, ikasleek arrastiko jardunari ekin orduko jantoki eta eguerdiko jolas-orduetara, luzatzeko prozesuari ekin deutso.

Jarraitu irakurtzen

Bibolinetik musika-proiektu integralera: Begoñazpi Ikastola musikaz blai

montaje con youtube

Ikastolako hezkuntza-ereduak adimen musikala eta instrumentu bategaz praktikatzeak dakarzan onurak sartu ditu Haur Hezkuntzan, Lehen Hezkuntzan eta Bigarren Hezkuntzan.

“Begoñazpi Ikastolan, 4 urteko umeek bibolina jotzen ikasten dabe”. Beharbada, hauxe da Ikastolako hezkuntza-sisteman dagoan jarduera musikalik deigarrienetakoa. Baina errealitate honen atzean askoz be gehiago dago, ikasleen adimen musikalari ahalik eta probetxurik handiena ataratea helburua dauan musika-proiektu integrala. Izan be, horixe da Ikastolak hezkuntza-proiektuaren barruan txertatu dauen Howard Gardnerren teoriak proposatzen dauzan zortzi adimenetako bat.

Jarraitu irakurtzen

Paperetik iPadera: digitalizazinoa, ikasketan ulermen-proiektuen bidezko eragile bereizgarria

Sergio Fernández, Ulermenerako Irakaskuntza ereduaren arduraduna

Begoñazpi Ikastolak berea dauan Ulermenerako Irakaskuntzan oinarritutako eredu pedagokikoa dau, era berean, ikasketa geletara eroateko sistema esklusibo edo bakarra be landu dau. Testuliburu barik, ikasleek ikasketak aurrera eroan eta bideratu ahala, Ikastolako irakasleek sortutako eta digitalean tabletetan mamitu edota gauzatu diran ulermen-proiektuak landuko dabez. Hortaz, iPada izango da digitalizaturiko, bakarra eta geurea dan materialaren euskarria.

Jarraitu irakurtzen

Begoñazpi Ikastolako proiekturik integralena: pertsonak prestatzea

Zita

Aprendizaje y servicio, van de la mano en Begoñazpi Ikastola

Ikasketa eta zerbitzua eskutik doaz Begoñazpi Ikastolan

Azken urteotan, Begoñazpi Ikastolako hezkuntza-proiektuak barrikuntza eta Harvardeko Unibertsitatearen ‘Ulermenerako Irakaskuntza’ metodologia oinarri izan badauz be, ikasleen garapen zein hazkundea ez dauz alde batera itzi..

Jarraitu irakurtzen

Zergaitik, zertarako eta zelan kudeatu emozioak, ikaslearen bizi-botikina

Seguridad, asco, sorpresa, alegría y tristeza: emociones.

Segurtasuna, nazka, mirespena, alaitasuna eta tristura: emozioak

Ume eta nerabeek sentikortasun handiz bizi dabez eguneroko jazoerak. Etxekoek, adiskideek, neska-lagunek eta mutil-lagunek, ikasketek, inguruneak… modu erabakigarrian eragiten deutsen emozio multzoa sorratazten dabe eurengan. Emozio honeek kudeatu ahal izatea, emozioak identifikatu eta egoera bakoitzari ondoen jatorkon moduan egokitzea funtsezko tresna bilakatu da ikasleen osasun afektiboa edo bizi-botikina hobetzeko. Eta horrek guztiak egunez eguneko jardunaren hobekuntza dakar: bere buruarekin, bere lagunekin, etxekoekin edo ikasketekin. 

Jarraitu irakurtzen

Coaching-a hezkuntzan, erabiltzeko arrazoi, jarraibide eta abantailak

Coaching-ak portaera hobetuko dau

Coaching-ak portaera hobetuko dau

Zer ete dago ikasle baten ikasketa, pertsonal edo portaera-arazoen atzean? Oraintsu arte, irakasleek, borondaterik onenaz, mekanika tradizionalak erabiltzen ebezan ikasleen norabidea zuzentzeko. “Gehiago ikasi; ikasteko denbora gehiago atara; zintzo ibili; egin behar dozunari ekin…”. Ikasle eta irakasle arteko norabide bakarreko harreman horretan, agindua zan nagusi.

Jarraitu irakurtzen

Munduan, norantz doa hezkuntza?

María Ximena Barrera eta Patricia León

Harvard-eko Unibertsitatean irakasle laguntzaile dabiltzan María Ximena Barrera eta Patricia León Project Zero deritxoneko kideek

Hezkuntza, norantz doa? Galdera hau ez da erraza ezta emon beharreko erantzuna be, batez be munduak ezezagunari aurre egin behar deutsola kontuan hartzen badogu. Halaxe egiaztatu dabe Harvard Unibertsitatean irakasle laguntzaile eta Estatu Batuetako unibertsitate horretako ikasketa prozesuak garatzeko ikerketa-proiektu ugari landu dauzan hezkuntza arloko ikerketa-talde honen, hau da, Project Zeroko kideak diran María Ximena Barrerak eta Patricia Leónek.

Jarraitu irakurtzen

 Ikerketa zientifikoa, bizitzarako hezkuntza

Investigación científica en Begoñazpi Ikastola

Begoñazpi Ikastolako ikasleek Zientzia Azokan proiektuak aurkeztu ebezan

Gizarteak eta lan munduak jakintza tekniko bereziak izateaz gain, inoren laguntza barik pentsatzen daben pertsonak eskatzen daben unetik, hezkuntzak zeresan handia dau. Beraz, ikastetxeek ikasleei, egoerak aztertu, ikertu eta eguneroko bizitzan jakintzak ezartzen irakatsi egin beharko deutsie. Azken baten, euren kabuz pentsatzen.

Begoñazpi Ikastola ezartzen hasi dan hezkuntza-planteamendu honek, beste baliabide batzuekin batera, ikerketa zientifikoaren proiektua sakontzera eroan dau. Ikasleei erronka honek, sormena, erabakitzeko gaitasuna eta lan kooperatiboa bezalako trebetasunak garatzeko aukera emon deutselarik.

Jarraitu irakurtzen

Ateak zabaltzeak Hezkuntzan dauzan abantailak

Puertas abiertas en Begoñazpi Ikastola

Begoñazpi Ikastolako ate irekiak

Hezkuntzan, beste edozein arlotan legez, etenbako hobekuntza egin beharreko lana da. Hobekuntza hau, Begoñazpi Ikastola bezalako ikastetxe baten, zalantza barik, egunero landu eta itsasten diran hezkuntza barrikuntza inguruko hainbat ekintzaren bidez, ikasleei emoten jaken heziketan datza. Baina badago beste hobekuntzarik be, adibidez, familien asetasuna bilatzen dauana, azken baten, eurak be bezeroak dira.

Erronka handi honen aurrean, Begoñazpi Ikastolak, familien aurrean gardentasunez jokatzeko  aukera paregabea ikusi dau, hau da, zer eta zelan egiten dauan erakustea erabaki dau. Beraz, Ikastola “ateak zabaltzea esperientzia aberasgarria” dalakoan dago. Horren guztiaren ondorioz, hauxe da Euskaliten 400 Klubeko XII. Topaketan Bezeroarenganako Harreta gaiaz Begoñazpi Ikastolak aurkeztu eta irabazi dauan Praktika Onen proiektua.

Jarraitu irakurtzen

Robotika, integrala eta etorkizuna dauan hezkuntza

La robótica, en Begoñazpi Ikastola, desde los 5 años hasta Bachillerato

Begoñazpi Ikastolako robotika gaia,Haur Hezkuntzatik Batxilergora

Robotika, roboten diseinu, taxuketa, eragiketa, egitura-antolaketa, manufaktura eta aplikazioari ekiten deutson teknologiaren adarra da. Honek mekanika, elektronika, informatika, adimen artifiziala, kontrol ingenieritza eta fisika arloak uztartzen dauz. Gaur egun, robotikak, zalantza barik, inguratzen gaituan guztiagaz dau zerikusia eta ondorioz, gure etxeko zein laneko  ingurua baldintzatuko dau. Hori dala eta, egungo lan-urteetariko askok be, arlo honegaz lotura dabe.

Baina robotika, hezkuntza mundu honetan harago joango da, ikasleei etorkizuneko lan mundurako prestakuntza ez eze, euren bizitza zein lanekoari aurre egiteko gaitasunak eta trebetasunak be eskainiko deutsez.

Jarraitu irakurtzen