Irakasteko beste era bat, baita ebaluatzeko be

Begoñazpi Ikastola, Lehen Hezkuntzan, Harvard Unibertsitateko “Projet Zero” ereduaren azken zertzeladak emoten dago. Eredu honetan, ikasleek gai desbardinetan lantzen dabe ulermen maila. Helburu hau lortzen danean, ohiko azterketen balioa murriztu egiten da. Ikuspegi barri honen ardatza Ikaslea bere ikasketa prozesuaren jabea izatean datza, hau guztia ikaskideen lanarekin be osatzen dalarik. Harago doan ikasketaren paradigma barri honek emaitzak biziki hobetuko dauz, hau da, bai emaitza akademikoak bai helburuak erdiesteko asetasunak izugarrizko hobekuntza izango dau.

 1.- Zelan irakatsi

Azken xedea lortzeko, -ikaslearen ulermena-, ikastetxeak dauan hezkuntza ereduak irakasteko modua edo irakasbidea aldatu beharko dau. Hau honela izanik, irakasleak, ikasleen hezkuntza prozesuaren bitartekari bihurtuko dira, hots, gidari izango dira eta jakina, ikasleak jakitun eta guztiaren barri izan beharko dau uneoro. Hainbat metodologia eta hezkuntza-baliabide zein metodoren erabilerak, hala nola, errutinak eta pentsamendurako trebetasunak, adimen anizkoitzak eta lan-kooperatiboak, azken xedea lortzen lagunduko dabe.

Herramientas para la Enseñanza para la Comprensión

Hainbat metodologia eta hezkuntza-baliabide azken xedea lortzen lagunduko dabe.

 2.-  Zelan ebaluatu

Irakasteko era desbardina bada, ebaluatzeko erak be desbardina izan behar dau. Beraz, ikasleen balorazio edo ebaluazio honek, gaitasunak eta trebetasunak ez eze, gaien ulermena be neurtu beharko dau. Horregaitik guztiagaitik eta batez be, ikasleen balorazio egokiagoa egiteko, Begoñazpi Ikastolako irakasleek zenbait baliabide erabiliko dabe. Argi izan behar dogu garrantzitsuena ikasleen ulermena neurtzea dana, ez buruz ikastea.

Argi izan behar dogu garrantzitsuena ikasleen ulermena neurtzea dana, ez buruz ikastea.

 3.- Baliabideak

Ebaluazio hau egiteko, errubrika edo matrizea da baliabiderik erabiliena. Sistema hau erabiliz, -ebaluatuko diran ekintzen irizpideak dabezan taulak- ikasleek lanak egitean,badakie zer izan behar daben kontuan. Era berean, errubrikek, lanetan zuzenketak egiteko eta hobetzeko aukera emongo deutsie. Horrez gain, irizpide taula horreek, ikaskideen lanak zuzentzeko aukera be emongo deutsie, hau “atzeraelikadura eskailara” deritxona da. Eskailara honen bidez, ikasle batek ondokoa ebaluatuko dau baita hobekuntzak proposatu be. Ondorioa hauxe da: “ Irakasten dauanak, birritan ikasten dau”

Herramientas para la Enseñanza para la Comprensión

Errubrikek, lanetan zuzenketak egiteko eta hobetzeko aukera emongo deutsie

4.- Azterketarik badago?

Batzuetan, ikasleak kontzepturen bat ulertu dauan jakin behar dogunez, ahozko zein idatzizko frogak egingo jakoz baina honek helburu bat izango dau: ikasleak zertan hobetu behar dauan jakitea. Froga honeek, azken balorazioan, ez dabe balio handirik izango, hobetzeko adierazle baino ez dira izango.

Ikasle batek ondokoa ebaluatuko dau baita hobekuntzak proposatu be. Ondorioa hauxe da: “Irakasten dauanak, birritan ikasten dau”.

 5.- Irakaslearen behaketa

Ebaluazioa, etenbako prozesua danez, irakasleak gela barruan egiten dauan behaketa ezinbesteko zeregina da. Ikasleek irakasleei emondako azalpen, egindako galdera eta lanen bidez, bakoitzak dauan ezagutza eta ulermen mailaren barri emoten deutsie. Ebaluazioak ez dau adierazle hutsa izan behar, hori baino garrantzitsuagoa ikasleek aurrerakuntza eta hobekuntzen barri jasotzea izango da eta.

Elkarbanatu post hau / Comparte este post / Share this post
Share on FacebookTweet about this on TwitterShare on Google+Share on LinkedInBuffer this pageDigg thisShare on RedditShare on TumblrEmail this to someonePrint this page

Utzi erantzuna

Zure e-posta helbidea ez da argitaratuko. Beharrezko eremuak * markatuta daude


*